Regular Update
एटीएम न्यूज नेटवर्क : कृषिथॉन या अग्रगण्य प्रदर्शनाच्या व्यासपीठातर्फे 'माझा बैल, माझी शान' ही सेल्फी स्पर्धा १ सप्टेंबर ते ४ सप्टेंबर दरम्यान आयोजीत करण्यात आली होती. आजच्या यंत्रयुगात बैलांप्रती कृतज्ञता बाळगत या शेतकऱ्यांनी आपली संस्कृती जपली आहे. त्यांच्या योगदानाला सलाम करण्यासाठी ही स्पर्धा दरवर्षी आयोजित करण्यात येते.
माझा बैल, माझी शान या सेल्फी स्पर्धेत प्रथम क्रमांक श्री. कृष्णा मन्नू पुरी (येसगांव (बु.) मालेगाव,नाशिक), द्वितीय क्रमांक श्री. गणेश शिवाजीराव तनपुरे, भालगाव, ता. नेवासा, जिल्हा अहमदनगर , तृतीय क्रमांक श्री. संदीप काळे (खुपटा, ता. सिल्लोड, जि. संभाजीनगर) उत्तेजनार्थ क्रमांक श्री. व्यंकटेश नरेंद्र भदाणे (साक्री, धुळे ) यांना प्राप्त झाला आहे.
या स्पर्धेला २९० स्पर्धकांनी सेल्फी पाठवून प्रतिसाद दिला होता. या विजेत्यांना ठक्कर ग्राउंड येथे २१ ते २५ नोव्हें. दरम्यान आयोजीत होणाऱ्या कृषिथॉन प्रदर्शनात मान्यवरांच्या हस्ते गौरविण्यात येणार आहे.
