Regular Update
एटीएम न्यूज नेटवर्क : ट्रॅक्टर उत्पादनाने नोव्हेंबर २०२३ मध्ये ६०,०१४ युनिट्ससह सर्वात कमी मासिक आकडा गाठला होता. त्या तुलनेत ट्रॅक्टर उद्योगाने नोव्हेंबर २०२२ मध्ये ७८,७०९ युनिट्स आणि ऑक्टोबर २०२३ मध्ये ९४,४३८ युनिट्सचे उत्पादन केले.
ट्रॅक्टर उद्योगाने नोव्हेंबरमध्ये वर्षभराच्या आधारे देशांतर्गत विक्रीत ६% वाढ केली आहे.आणि याची एकूण ७२,२६६ युनिट्स विक्री केली. ट्रॅक्टर आणि मेकॅनायझेशन असोसिएशन (टी.एम.ए.)ने जारी केलेल्या आकडेवारीनुसार सकारात्मक वार्षिक वाढ असून ऑक्टोबरच्या मागील महिन्याच्या तुलनेत यात लक्षणीय वाढ झाली आहे.
आघाडीची ट्रॅक्टर उत्पादक कंपनी महिंद्रा अँड महिंद्राने नोव्हेंबर २०२३ मध्ये ३१,०६९ युनिट्सची विक्री करून ६% वाढ नोंदवली. दरम्यान, एस्कॉर्ट्स कुबोटाच्या देशांतर्गत ट्रॅक्टरच्या व्हॉल्यूममध्ये ७% वाढ झाली, ती ७,८५५ युनिट्सपर्यंत पोहोचली.
उद्योगतज्ज्ञ आणि विश्लेषक वर्षभरातील वाढीचे श्रेय सणासुदीच्या मजबूत मागणीला देतात, विशेषत: धनत्रयोदशी आणि दिवाळी सणासुदीच्या काळात, खरीप हंगामाच्या अनुकूल प्राप्तीमुळे हि वाढ झाली आहे. तथापि, प्रमुख काही राज्यांमध्ये अनपेक्षित पाऊस झाला त्यामुळे मागणीवर विपरित परिणाम झाला आहे.
महिंद्रा अँड महिंद्रा लि.चे फार्म इक्विपमेंट सेक्टरचे अध्यक्ष हेमंत सिक्का यांनी या परिस्थितीवर भाष्य केले की, "देशातंर्गत बाजारपेठेत धनत्रयोदशी आणि दिवाळी या सणासुदीच्या काळात ट्रॅक्टरची मागणी वाढली आहे. खरीप हंगामापासून प्राप्त झालेल्या प्राप्तीमुळे आणि या दरम्यान दिसून आलेल्या मागणीमुळे मजबूत वाढ झाली असल्याचे त्यांनी सांगितले.
एकूणच सणासुदीची मागणी असूनही एस्कॉर्ट्स कुबोटाने नमूद केल्याप्रमाणे काही राज्यांमध्ये अपुऱ्या आणि अवकाळी पावसामुळे किरकोळ परिणाम झाला. नोव्हेंबर २०२३ मध्ये एकूण निर्यात ६,७२२ युनिट्ससह, ट्रॅक्टर निर्यात मंद राहिली, नोव्हेंबर २०२२ मध्ये ९,८८४ युनिट्सची घट झाली. नोव्हेंबरमध्ये ट्रॅक्टर उत्पादनाने ६०,०१४ युनिट्ससह २०२३ साठी सर्वात कमी मासिक आकडा गाठला. त्या तुलनेत या उद्योगाने नोव्हेंबर २०२२ मध्ये ७८.७०९ युनिट्स आणि ऑक्टोबर २०२३ मध्ये ९४,४३८ युनिट्सचे उत्पादन केले.
एप्रिल-नोव्हेंबर २०२३ या कालावधीसाठी एकूण देशांतर्गत ट्रॅक्टर विक्री ६.६ लाख युनिट्सवर पोहोचली. जी मागील आर्थिक वर्षातील याच कालावधीच्या तुलनेत ३% कमी दर्शवते, जेव्हा विक्री ६.८ लाख युनिट्स होती. सकारात्मक स्थूल आर्थिक घटकांचा हवाला देऊन उद्योगातील अंतर्गत सूत्रांनी उर्वरित आर्थिक वर्षासाठी आशावाद व्यक्त केला असताना विश्लेषकांनी २०२४ साठी ट्रॅक्टर विक्री वाढीची अपेक्षा केली आहे.
