Regular Update
एटीएम न्यूज नेटवर्क : स्मॉल फार्मर्स ॲग्री-बिझनेस कन्सोर्टियम (एसएफएसी) सहकारी संस्था (एनसीसीएफ) आणि सार्वजनिक क्षेत्रातील एचआयएल कंपनी सोबत शेतकरी उत्पादक संस्थांना (एफपीओ'ज) त्यांचे उत्पादन शहरांमध्ये विकण्यास मदत करण्यासाठी काम करत आहे. प्रारंभिक उपक्रम म्हणून एनसीसीएफ आणि एचआयएल कंपनी दिल्लीच्या राष्ट्रीय राजधानी क्षेत्रामध्ये एफपीओ'ज कडून उत्पादने ऑनलाइन आणि ऑफलाइन दोन्ही वितरीत करण्यास सुरुवात करतील.
सर्व आउटलेट आणि मोबाईल व्हॅनद्वारे उत्पादने विकणार
एनसीसीएफचे आधीपासून दिल्ली मेट्रो स्टेशनमध्ये एक स्टोअर आह. जे “भारत” ब्रँडचा आटा, तांदूळ आणि डाळ तसेच एफपीओमधील काही लोकप्रिय उत्पादने विकते. या उत्पादनांना प्रतिसाद चांगला आहे. आता ती आपल्या सर्व आउटलेट आणि मोबाईल व्हॅनद्वारे उत्पादने विकेल,” असे एका वरिष्ठ अधिकाऱ्याने सांगितले. सरकारला आशा आहे की याला चांगला प्रतिसाद मिळेल. जेणेकरून देशभरातील एनसीसीएफ प्रादेशिक कार्यालयांमध्ये मॉडेलची प्रतिकृती करता येईल.
ओएनडीसीच्या माध्यमातून ऑनलाइन विक्री
एचआयएल (पूर्वी हिंदुस्तान इन्सेक्टिसाइड्स लिमिटेड म्हणून ओळखली जाणारी कंपनी) एफपीओ उत्पादनांच्या किरकोळ विक्रीमध्ये एसएफएसीच्या सहकार्याने एक नवीन भागीदार आहे. कंपनी ॲग्रोकेमिकल्स आणि बियाणे उत्पादन आणि विक्रीमध्ये आहे आणि अलीकडेच खतांच्या क्षेत्रात पाऊल टाकले आहे. सूत्रांनी सांगितले की, एचआयएल ही उत्पादने ओएनडीसीच्या माध्यमातून प्रामुख्याने ऑनलाइन विकण्याचा प्रयत्न करेल.
वितरण : एक समस्या
“शेतकऱ्यांना थेट ग्राहकांशी जोडण्याची कल्पना आहे. तथापि, शहरी ग्राहकांना तत्काळ डिलिव्हरी हवी असते तेव्हा उत्पादने लवकर वितरित करणे ही एक समस्या आहे. बऱ्याच वेगवान ट्रेडिंग कंपन्या आहेत ज्या १० ते १५ मिनिटांत वितरीत करतात. एफपीओ त्याच्याशी थेट स्पर्धा करणार नाहीत. तरीही एनसीसीएफ आणि एचआयएल एनसीआरमधील विविध ठिकाणी उपस्थिती असलेल्या एग्रीगेटरची भूमिका बजावतील आणि त्याच दिवशी वितरण करू शकतात असे एका अधिकाऱ्याने सांगितले.
उत्पादनांचा स्वतंत्र कॅटलॉग
एनसीसीएफ आणि एचआयएल या दोन्ही कंपन्यांनी एफपीओ मधून मिळणाऱ्या उत्पादनांचा दोन स्वतंत्र कॅटलॉग जारी केली आहेत आणि ओएनडीसी नेटवर्कद्वारे आधीच काम सुरू केले आहे. अधिका-यांनी सांगितले की, एफपीओ'जच्या डिलिव्हरीमध्ये एक गैरसोय आहे कारण ते ग्रामीण भागात आहेत तेथून ते पटकन देशभरात एखादी वस्तू पाठवू शकत नाहीत. शिवाय, उत्पादनाच्या परताव्याची समस्या देखील अंशतः सोडवली जाईल कारण एग्रीगेटरला ते आव्हान नसू शकते कारण ग्राहकाने एखादे उत्पादन परत केले तरीही कोणीतरी ऑनलाइन खरेदी करेल असे अधिकाऱ्यांनी सांगितले.
एनसीसीएफ आणि एचआयएल या दोन्ही उत्पादनांमध्ये मसाले, हिंग, मध, काश्मिरी ड्रायफ्रुट्स, कडधान्ये, कोल्ड-प्रेस केलेले खाद्यतेल, केशर, लोणचे आणि च्यवनप्राश यांचा समावेश होतो.
