भारतीय पशुखाद्याला 'अच्छे दिन'; गेल्या आठ महिन्यात वाढली इतकी टन निर्यात

एटीएम न्यूज नेटवर्क ः एप्रिल ते डिसेंबर 2022 या कालावधीत भारतातून एकूण पशुखाद्याची निर्यात दरवर्षीपेक्षा अधिक 70% म्हणजेच सुमारे 3.3 दशलक्ष टन झाली होती, अशी माहिती दी सॉल्व्हेंट एक्स्ट्रॅक्टर्स असोसिएशन ऑफ इंडिया (एसईए) या भाजीपाला तेल उद्योग संस्थेने दिली.  
 
संस्थेने दिलेल्या माहितीनुसार, तेलबियांतून तेल काढल्यानंतर उरलेल्या अवशेषाला पेंड असे म्हणतात. सामान्यतः पेंड पशुखाद्य म्हणून वापरले जाते. डिसेंबरमध्ये पेंडीची एकूण निर्यात 2.82 दशलक्ष टन इतकी झाली होती.
 
आकडेवारीनुसार, जानेवारीमध्ये भारतातून पेंडीची निर्यात 4,72,438 टन इतकी झाली आहे. गेल्या वर्षी याच महिन्यात 1,76,967 टन इतकी निर्यात झाली होती. टक्केवारीत सांगायचे झाल्यास पेंडीची निर्यात 167 टक्क्यांनी वाढली आहे. मोहरीच्या पेंडीच्या निर्यातीने 2011-12 मधील पूर्वीचा उच्चांक मोडून 1.91 दशलक्ष टनांचा नवा उच्चांक गाठला आहे.
 
रब्बी पिकांची लागवड सामान्यतः ऑक्टोबर आणि नोव्हेंबरमध्ये केली जाते. या पिकांची कापणी जानेवारी ते मार्च दरम्यान होते. ही कापणी मालाच्या परिपक्वतेवर अवलंबून असते. रब्बी पिकांपैकी एक महत्त्वाचे पीक म्हणजे मोहरी होय. कृषी मंत्रालयाने चालू पीक वर्षासाठी (2022-23) मोहरीचे विक्रमी 12.81 दशलक्ष टन उत्पादनाचा अंदाज वर्तवला आहे. हाच आकडा मागील पीक वर्षात 11.96 मेट्रिक टन इतका होता.
 
एप्रिल-जानेवारी 2022-23 मध्ये सोयाबीन पेंडीची निर्यात दरवर्षी 77% ने वाढून 0.55 मेट्रिक टन झाली. अधिकार्‍यांच्या माहितीनुसार, एप्रिल 2022 मध्ये देशांतर्गत सोयाबीनच्या किमती '7,640/क्विंटलच्या उच्चांकावरून सुमारे '4,700/क्विंटल' पर्यंत घसरल्याने पीक कापणी आणि चांगल्या किंमतींला प्रोत्साहन मिळाले. पुरवठा करण्याची सोय आणि खेपांच्या लहान आकारामुळे भारतीय पेंडींची प्रामुख्याने दक्षिण पूर्व आशियाई देशांमध्ये निर्यात केली जाते.