Regular Update
एटीएम न्यूज नेटवर्क : आपल्या मंत्रालयाच्या अधिकाऱ्यांना भाजपच्या संकल्पपत्राच्या थीमवर काम करण्यास सांगितल्यानंतर केंद्रीय कृषी मंत्री शिवराज सिंह चौहान यांनी योजनांचा अपेक्षित परिणाम न मिळाल्यास योजनांची दुरुस्ती किंवा बंद करण्याचे आवाहन केले. योजनांचे अपेक्षित परिणाम दिसावेत असे निर्देशही त्यांनी वरिष्ठ अधिकाऱ्यांना दिल्याचे सूत्रांनी सांगितले.
कृती आराखड्यावर चर्चा
मंत्रालयाच्या अधिकाऱ्यांसोबत १०० दिवसांच्या कृती आराखड्यावर चर्चा करताना चौहान म्हणाले की, देशाच्या कृषी क्षेत्राला बळकटी देण्यासाठी आणि शेतकऱ्यांच्या वेदना कमी करण्यासाठी ठोस पावले उचलली पाहिजेत. शेतकऱ्यांना दर्जेदार खते, बियाणे आणि इतर निविष्ठा प्राधान्याने उपलब्ध करून देण्यावरही त्यांनी भर दिला. याबाबत शेतकऱ्यांना कोणतीही अडचण येऊ नये यासाठी विशेष काळजी घेण्यात यावी, असेही ते म्हणाले.
योजनेत आवश्यक ते बदल
मध्य प्रदेशातील "लाडली बहना योजना" च्या यशावर त्यांनी प्रकाश टाकला, या योजनेत राज्य सरकार गरीब महिलांना त्यांच्या बँक खात्यात १०००रु.महिना हस्तांतरित करते. या योजनेचा तीन महिन्यांत प्रभाव सर्वांना दिसून आला असल्याचे चौहान यांनी सांगितले. ते पुढे महाले कि एखाद्या योजनेत बदल करण्याची गरज असली तरीही ती दीर्घ कालावधीसाठी चालू ठेवण्याऐवजी त्यात आवश्यक बदल केले पाहिजेत.
गरजेनुसार निर्यात करा
कृषी उत्पादन आणि उत्पादकता वाढवण्याच्या गरजेवर भर देताना ते म्हणाले कि "आम्ही एक ठोस कृती आराखडा अंमलात आणला पाहिजे. जेणेकरून आम्ही आमच्या देशांतर्गत गरजा पूर्ण करण्याबरोबरच त्यांच्या गरजेनुसार दर्जेदार कृषी उत्पादने इतर देशांना निर्यात करू शकू."
विभागनिहाय योजनांचे सादरीकरण
या बैठकीला वरिष्ठ अधिकाऱ्यांनी विभागनिहाय योजनांचे सादरीकरणाद्वारे नवीन मंत्र्यांना समजावून सांगितले. या बैठकीला नवनियुक्त कृषी राज्यमंत्री रामनाथ ठाकूर आणि भगीरथ चौधरी तसेच कृषी संशोधन आणि शिक्षण विभागाचे सचिव, भारतीय कृषी संशोधन परिषदेचे (आयसीएआर) महासंचालक हिमांशू पाठक, हे उपस्थित होते.
