Regular Update
एटीएम न्यूज नेटवर्क ः पारंपरिक जाती आणि फळांच्या मूल्यवर्धित उत्पादनांच्या विशेषत: केळीच्या निर्यातीला चालना देण्यासाठी एक लहान कार्यगट तयार केला जाईल, अशी माहिती कृषी आणि प्रक्रिया अन्न उत्पादने निर्यात विकास प्राधिकरण अर्थात अपेडाचे अध्यक्ष एम. अंगमुथू यांनी दिली.
केळीसाठीचे राष्ट्रीय संशोधन केंद्र (एनआरसीबी) आणि अपेडा यांच्या संयुक्त विद्यमाने आयोजित 'जीआय आणि पारंपरिक केळींची निर्यात: वर्तमान परिस्थिती, व्यापाराच्या संधी आणि पुढे जाण्याचा मार्ग' या विषयावरील दोन दिवसीय सल्लागार कार्यशाळेच्या उद्घाटनप्रसंगी ते बोलत होते.
भारत हा जगातील सर्वात मोठा केळी उत्पादक देश होता. तरीही जागतिक केळी व्यापारात त्याचा वाटा नगण्य होता. केवळ 15 देशांमध्ये केळीची निर्यात केली जात असे. अमेरिका आणि युरोपियन देशांपर्यंत पोहोचून केळीची निर्यात वाढवता येईल. अपेडा पारंपरिक केळीच्या जाती आणि जीआय टॅग केलेल्या केळींच्या निर्यातीला अधिक देशांमध्ये प्रोत्साहन देईल. यामुळे केळी आधारित मूल्यवर्धित उत्पादनांच्या निर्यातीलाही प्रोत्साहन मिळेल. केळीच्या निर्यातीला चालना देण्यासाठी भागधारकांचा समावेश असलेला एक छोटा कार्यगट तयार केला जाईल,
असे श्री. अंगमुथू म्हणाले.
श्री. अंगामुथू यांच्या निरीक्षणानुसार, पारंपरिक वाण ही देशाची अंगभूत शक्ती आहे. भागधारकांनी उत्तम दर्जाची आणि पॅकेजिंगची खात्री करून जगासमोर त्यांची विक्री करण्याचा प्रयत्न केला पाहिजे. त्यांनी शास्त्रज्ञांना तंत्रज्ञान, पुरवठा साखळी व्यवस्थापन आणि इतर क्षेत्रातील तफावत ओळखून योग्य उपाययोजना सुरू करण्याचे आवाहन केले.
या वेळी भारतीय कृषी संशोधन परिषदेच्या फलोत्पादन विज्ञान-II चे सहाय्यक महासंचालक व्ही.बी. पटेल,
तामिळनाडू कृषी विद्यापीठाच्या कुलगुरू व्ही. गीतलक्ष्मी, एनआरसीबीचे संचालक आर. सेल्वराजन यांनी
मार्गदर्शन केले.
